Ѓорческа гази во Анталија: Ќе игра финале во дубл, а полуфинале во сингл!
Македонската тенисерка експресно со само три загубени гема ја суреди бугарската тенисерка Петиа Аршинкова, победувајќи ја со 6-1, 6-2 за да стигне во полуфиналето и сега ќе се соочи со Магдалена Пантуцкова од Чешка, која во четвртфиналето беше уште поубедлива против Белгијката Ванлагендонк, триумфирајќи со 6-0, 6-1.
Ѓорческа е втора носителка на турнирот, додека Пануцкова е осма и досега амо еднаш играле меѓусебе во 20015 година, кога триумфирала македонската тенисерка со 7-6, 6-2 во првото коло на Челинџерот во Хрватска.
Во двојки, Ѓорческа во тандем со Хрватката Маријана Дражиќ, како први носителки денеска во два сета ја победија швајцарско-романската двојка Жени Дуерст-Јоана Гаспар, триумфирајќи со 6-3, 6-4 за пласман во финалето, каде ќе се соочат со подобриот од пресметката на холандската двојка (втори носителки) Ведер-Вишер и украинско-турската комбинација Петренко-Сариоглан.
Челинџерот во Анталија е со награден фонд од 15.000 долари.