Ѓоковиќ: Во кариерата освоив се, можам утре да се пензионирам!

12 јули 2019 - 21:29

Првиот светски рекет, Србинот Новак Ѓоковиќ се пласираше во своето седмо финале на грен слем турнирот Вимблдон, откако славеше над Шпанецот Роберто Баутиста Агут со 3-1 во сетови.

Ѓоковиќ на конференцијата за медиуми истакна дека и покрај сите достигнувања во кариерата и понатаму постојат рекорди кои сака да ги собори.

Гледате, мојата главна мотивација е да бидам на теренот и да играм тенис. Знам дека тоа е клише, но така е. Не го гледам тенисот како своја работа, во кариерата освоив многу турнири и можам уште утре да се откажам. Но, тоа не е причината поради која го играм. Јас уживам во оваа игра. Желба ми е да испишувам историја во овој спорт и да бидам „историски број 1“, истакна меѓу другото Ѓоковиќ.