„Ѓоковиќ, Синер и Алкараз ќе бидат уште подобри во 2024 година“

19 ноември 2023 - 16:28

Рускиот тенисер Данил Медведев остана без финале на завршниот турнир во Торино, па даде прогноза за идната година во која смета дека главни ќе бидат Новак Ѓоковиќ, Јаник Синер и Карлос Алкараз.

Медведев се надева дека идната година ќе биде подобра и за него, но конкуренцијата е огромна.

„Верувам дека во следната сезона можам да освојам гренслем, но морам да напредувам. Сепак, Синер, Алкараз и Ѓоковиќ играат сè подобро и ќе бидат уште подобри во 2024 година“, кажа Медведев.