Ѓоковиќ: Многумина очекуваа да се откажам, но не се предадов!

21 јануари 2025 - 16:06

Новак Ѓоковиќ го победи Карлос Алкараз во четвртфиналето на Австралијан опен, иако во разговор со „Еуроспорт“ призна дека играл со повреда во текот на натпреварот.

Ѓоковиќ откри дека се трудел во текот на мечот да избегне незгодни поени со цел да остане во игра и да победи на крајот, а потоа испрати порака до сите кои го потценуваа.

„Многумина очекуваа да се повлечам, но не се предадов, решив да продолжам да се борам. Ова е голема победа, горд сум поради начинот на кој успеав да го остварам ова. Ме очекува огромен предизвик, тоа е Зверев, мора да се подготвам добро“, кажа Ѓоковиќ.