Ѓоковиќ дозна кога го игра првиот меч во Шангај

04 октомври 2024 - 17:27

Српскиот тенисер Новак Ѓоковиќ ќе почне од второто коло на турнирот во Шангај, каде што ќе се соочи против Американецот Алекс Микелесен.

Ѓоковиќ ќе игра в сабота против Микелесен, но тие нема да излезат на теренот пред 12.30 часот. Тоа ќе биде нивни прв меѓусебен натпревар, а победникот од оваа средба ќе се соочи со подобриот од мечот меѓу Станислав Вавринка и Флавио Коболи.

Србинот ќе се обиде да ја освои петтата титула на турнирот во Шангај, односно вкупно 100. трофеј во кариерата, иако воопшто нема да му биде лесно на патот кон финалето.

Ѓоковиќ во моментов се наоѓа на четвртата позиција на АТП-листата со 5.570 бодови, додека пред него се Александер Зверев, Карлос Алкараз и Јаник Синер.