Една од фаворитките за триумф на „Ролан гарос“ загуби од тотална – аутсајдерка!

30 септември 2020 - 15:18

Викторија Азаренка важеше за една од најголемите фаворитки за триумф на Ролан Гарос“, но настапот, неочекувано“ го заврши уште по второто коло, откако денеска загуби во пресметката со 161. тенисерка на светот, Ана Каролина Шмидлова.

Словачката триумфира со преубедливи 6-2, 6-2 и вторпат во кариерата дојде до третата рунда, по 2014 година кога првпат и успеа нешто такво. Таа дури лошо падна во вториот сет, по што мораше да интервенира нејзиниот тренер, но собра сили и продолжи во ист ритам, кој беше недостижен за Белорусинката.

Претходно, третата носителка Елина Свитолина, потешко од очекувањата, ја совлада квалификантката од Мексико, Рената Заразуа со 6-3, 0-6, 6-2. Таа досега има 15 титули во ВТА-серијата, но нема ниту еден пласман во финалето на гренслем-турнир.

Кај мажите пак, од денешната програма победа со 3-1 извојува Стан Вавринка, над Германецот Кофер, а пораз од 1-3 запиша искусниот Иснер од сонародникот Корда.