Алкараз и Медведев без проблеми до четвртфиналето во Мајами

29 март 2023 - 10:23

Шпанската тениска сензација, Алкараз во два сета го помина Пол и се пласира меѓу осумте најдобри, а до таму лесно стигна и Медведев кој исто така во два сета беше подобар од Халис.
 

Алкараз е прв носител на турнирот и засега ја оправдува таквата улога, тој го совлада Томи Пол со 6-4 и 6-4.

Во четвртфиналето Шпанецот ќе игра со уште еден Американец, Тејлор Фриц кој со 2-0 беше подобар од Руне.

Данил Медведев со 2-0 беше подобар од Хлис, го доби со 6-4 и 6-2 и се пласира меѓу осумте најдобри во Мајами.

Тој во четвртфиналето ќе игра против Еубанкс кој со 2-0 беше подобар од Манарино.

Другите две четвртфинални двојки се Русувуори - Синер и Хачанов - Керундоло.