Алкараз: Австралија опен е турнир на Ѓоковиќ

Во следната фаза тој го очекува подобриот од мечот меѓу Новак Ѓоковиќ и Јиржи Лехечка, но цел свет очекува негова пресметка со еден од најдобрите на сите времиња. Ѓоковиќ има десет титули од Мелбурн и Алкараз е свесен за неговата сила, дури и кога тој е во 38. година од животот.

„Ова е негов турнир. Нема да биде првпат да играме на Гренд слем, се знаеме многу добро и знам што треба да направам против него на оваа подлога. Физички сум на добар пат, најважно е што брзо ги завршувам натпреварите“, рече Алкараз иако уште се очекува Ѓоковиќ да го потврди својот пласман во четвртфиналето.

Против Србиот, тој играл седум пати и билансот е 3-4 за Ѓоковиќ со тоа што последен пат на Гренд слем турнирите се сретнаа во финалето на Вимблдон кога Алкараз го уништи својот ривал со 3-0 и само десет загубени гема.