МОК ги откри имињата на спортист(к)ите кои ќе го носат знамето на Македонија!

05 февруари 2026 - 19:40

Македонската олимписка делегација пристигна во Милано на Зимските олимписки игри (ЗОИ) каде што ќе учествуваат четири натпреварувачи од нашата држава, а со нив патуваат и шест официјални лица предводени од Цветанка Макаровски како шеф на делегацијата.

Церемонијата за почеток на ЗОИ е закажана в петок, 6 февруари, од 20 часот по локално време, а знаменосци на овие олимписки игри ќе бидат Јана Атанасовска во Кортина и Ставре Јада во Предацо.

Точните термини за настапи на македонските натпреварувачи ќе бидат дополнително објавени, а пренос ќе врши Македонската радио телевизија (МРТ).