Драма на ЗОИ: Куче бркаше хрватска нордиска скијачка до пред самата цел (ВИДЕО)

18 февруари 2026 - 11:11

Хрватските репрезентативки во нордиско трчање, Тена Хаџиќ (21) и Ема Собол (18), го завршија настапот на ЗОИ во Италија со делба на 19. место во квалификациите на екипниот спринт во слободен стил во Тезеро, што не беше доволно за пласман меѓу најбрзите двојки кои изборија финале.

Иако резултатски останаа надвор од борбата за медали, нивниот настап ќе се памети по еден навистина бизарен и неочекуван момент. Хаџиќ во последните 100 метри од својата делница доживеа сцена каква што ретко се гледа на Олимписки игри – куче почна да ја брка додека трчаше кон целта. За среќа, животното не ја попречи директно, а Хрватката успеа да ја задржи концентрацијата и да ја заврши трката без инцидент.

Интересно е што и двете Хрватки ја истрчаа зададената делница со идентично време од 3:42,57 минути.