Македонските одбојкари ги дознаа ривалите во Сребрената лига

07 декември 2021 - 13:15

Македонската одбојкарска репрезентација денеска ги дозна противниците за групната фаза на Европската сребрена лига за 2022 година, па повторно одбојкарите ќе се обидат да го освојат златниот медал.

Системот е променет, па така најдобрата репрезентација од четири во групата ќе заигра на завршниот турнир, а Македонија во групата Б ќе се соочи против Романија, Албанија и Босна и Херцеговина.

Ќе се играат по два натпревари со сите противници, а по шест кола ќе биде познат патникот во следната фаза од натпреварувањето, кое ќе стартува на 25 мај.

Македонија првиот натпревар го игра на 25 мај против Босна и Херцеговина, по што следи гостување кај Романија, па два меча против Албанија. Потоа ја пречекуваме Романија на домашен терен и гостуваме кај БиХ.

Завршниот турнир ќе се одржи во Унгарија на 18 и 19 јуни следната година, а Македонија се надева на златен медал.