Украина во солзи: Светски шампион загина во Мариупол

28 март 2022 - 17:19

Голем број украински спортисти земаа оружје за да ја бранат татковината од руските воени сили, а медиумите во државата пишуваат дека поранешниот светски шампион Максим Кагал загинал во битките.

Поранешниот првак бил член на одредот Азов, кој го следи лош глас затоа што се шпекулира дека меѓу нив има неонацисти, а неговиот тренер порача дека ќе се одмазди за смртта.

„За жал, војната ги зема најдобрите. Максим Кагал почина на 25 март, додека го бранеше Мариупол како дел од Специјалната единица на Азов“, соопштија од Украина.