Кличко му дава совети на Усик пред бокс-мечот со Фјури

15 мај 2024 - 17:58

Олександр Усик ќе се соочи против Тајсон Фјури в сабота во Саудиска Арабија, а пред борбата се јави и легендарниот Владимир Кличко кој му даде совети на својот сонародник.

Кличко го советувал Усик да се фокусира на повредата која неодамна ја имаше Фјури, но британскиот боксер веднаш реагираше и кажа дека тоа нема да го спречи да стигне до победата.

„Дознав дека Кличко му дал совет да ме нападне каде што имав повреда, но тоа нема да ме спречи. Што ќе ми биде ако лицето повторно ми е крваво? Ништо нема да промени и нема да ме запре на патот кон победата“, кажа Фјури.