Французинките без шанси, Норвешка издоминира и стигна до олимпиското злато

10 август 2024 - 16:38

Репрезентацијата на Норвешка со победа од 29:21 издоминира против Франција во финалето и стигна до златото на женскиот ракометен турнир на Олимписките игри.

Од самиот почеток Норвешка беше подобрата репрезентација на теренот, одлични беа Хени Рајстад и Стине Офтендал. На пауза Норвежанките имаа предност од два гола разлика (15-13).

Вториот дел донесе уште подобра игра на Норвешка и Франција немаше никакви шанси да се врати во натпреварот. На 12 минути до крајот Норвешка дојде и до највисоката предност од 21-15. Од тој момент Франција како полека да почна да се предава, па прашање беше само со кој резултат ќе заврши финалето.

Со осум голови Хени Рајстад беше најефикасната кај Норвешка, а ја следеше Кари Дале со шест, Офтендал додаде пет. Орлане Канор беше најрасположената кај Франција со пет гола.