Унгарците почнаа да „плачат“ на судиите уште пред да почне мечот со Хрватска!

Дополнителна тензија внесе унгарскиот весник „Маѓар Немзет“, кој по победата над Словенија (29-26) ги критикуваше Хрватите и нивниот третман кај судиите.

„Беше толку очигледно што дури и хрватските медиуми пишуваа за тоа, тврдејќи дека домаќините имале предност на свој терен. Против Исланд и Словенија им требаше поддршка не само од навивачите, туку и од судиите“, се наведува во текстот.

Унгарците дополнително предупредуваат дека нивната репрезентација ќе мора да се справи и со „пеколната атмосфера“ во салата.

„Полните трибини секому даваат дополнителна доза адреналин, без разлика што нема да навиваат за нас. За вакви моменти се игра ракомет – да настапуваш пред публика и во натпревари со висок влог“, изјави селекторот на Унгарија, Шпанецот Чема Родригез.

Судиите на натпреварот ќе бидат Шпанците Гарсија и Марин, што дополнително ги разгоре шпекулациите за можни судиски одлуки во корист на домаќините. Според обложувалниците, Хрватска е фаворит со квота 1,50 за победа, додека шансите за триумф на Унгарија се проценети на 4,50.