Вардар потврди: Исполнети се условите кон ЕХФ, ќе игра во ЛШ

02 август 2021 - 20:41

Поранешниот европски првак Вардар неодамна се соочи со проблеми поради тоа што Европската ракометна федерација (ЕХФ) побара гаранција од милион евра, но тоа сега е надминато и „црвено-црните“ следната сезона ќе играат во Лига на шампиони (ЛШ).

Вардар ги исполнил барањата на ЕХФ во предвидениот рок, па добил повратен одговор дека им е дозволен настап во елитното натпреварување.

Известувањето дека Вардар ќе настапи во елитата било испратено и до останатите учесници во ЛШ, а македонскиот шампион следната сезона ќе игра во групата заедно со тимовите на Кил, Алборг, Пик Сегед, Мешков Монпелје, ППД Загреб и Елверум.

Пред повеќе од две недели и првиот човек на Вардар, Михајло Михајловски најави дека проблемите со ЕХФ ќе бидат решени и тимот ќе заигра во ЛШ.