Митиќ: Ова е добра шанса за Металург да дојдеме и до првата победа
Поради многуте проблеми со играчкиот кадар, повредите и Ковид-19, голема шанса доби младиот пикер Андреј Митиќ. Тој од натпревар во натпревар ја користи шансата и против Чеховски беше еден од најдобрите на теренот со осум голови.
„На првиот натпревар со Фајверс одигравме нерешено, а ова е добра шанса за нас младите, за целиот тим да дојдеме и до првата победа. Не сме комплетни, но се надевам дека ќе пружиме добра игра. И на мечот со Ч. Медведи во Скопје одигравме добро, но поради некои наши грешки во финишот го загубивме така натпреварот“, вели младиот пикер.
Митиќ е среќен што добива шанса во првиот тим и се надева дека дополнително ќе напредува во овие натпревари од Европската лига.
„Што се однесува до мене, јас сум благодарен на Металург и тренерот Димитриоски за шансата што ја добив. Мое е на секој натпревар да го давам максумумот, да се надоградувам и да бидат подобар од натпревар во натпревар. Засега сум задоволен, но целта е да напредувам, а ова е голема шанса и за мене и за другите млади играчи“, завршува 20-годишникот.
Металург утре против Фајверс игра од 20:45 часот. Во рамки на групата А, тимот од Автокоманда е последен на табелата со само еден бод од седум натпревари.