Кристијансанд ја продолжи доминацијата во женскиот ракомет – трета титула по ред

04 јуни 2023 - 19:47

Вајперс Кристијансанд е старо-нов европски првак во женскиот ракомет откако денеска ја одбранија европската титула со победата во големото финале со 28-24 во Будимпешта против дефитантот во финалињата Ференцварош.

Предводени од Ана Вјахирева и Амали Наес Андерсен кои дадоа по шест гола, а голманката Катрине Лунде блескаше со 16 одбрани, Кристијансанд дојде до трета европска титула по ред и ја продолжи доминацијата во женскиот ракомет.

Дека како големи фаворитки ќе дојдат до нова шампионска титула Норвежанките најавија од стартот кога поведоа со 9-4, но Ференцварош со две екс-вардарки во составот Андреа Лекиќ и Драгана Цвијиќ успеаа да се вратат до полувреме за само гол негатива (14-13), но неверојатната серија во првата половина од вториот дел реши сѐ.

Кристијансанд направи 10-3 за да дојде до најголемите плус осум (24-16) и сѐ потоа беше рутина за да се стигне до новата шампионска титула.

Голманката Лунде беше МВП после фантастичната партија. Емили Болк и Лекиќ со по пет одбрани беа најдобри кај Ференцварош.