Чаирчанки со голем пораз се збогуваа од Европскиот куп

30 септември 2023 - 21:05

Ракометарките на Чаир не успеаа да направат изненадување во реваншот против Венло и беа убедливо поразени со 18-43 за елиминација од женскиот Европски куп.

Чаирчанки тргнаа катастрофално во натпреварот и постигнаа само девет гола во првото полувреме, додека Венло запиша дури 22 и замина на полувреме со водство од 22-9.

Идентична беше сликата и во второто полувреме, а Венло постојано го полнеше голот на Чаир за конечни 43-18.

Којовиќ постигна четири гола, додека по три имаа Диневска и Рахмани.