Вардар - Е. Пелистер во четвртото коло и уште еднаш пред Нова година

16 јули 2021 - 12:55

Новата сезона во машката ракометна Суперлига ќе почне на 8 септември, а денеска во просториите на Ракометната федерација на Македонија беше обликуван распоредот со натпревари.

Ждрепката одреди дека најголемото дерби, меѓу Вардар и Еурофарм Пелистер ќе се случи во 4. коло, на 25/26 септември, во Скопје. Возвратниот натпревар, во Битола на програмата ќе биде во 15. коло, на 18/19 декември. Во првата рунда, пак, на 8 септември, Вардар ќе игра со новиот Суперлигаш, Скопје, додека Е. Пелистер ќе се сретне со сопствената втора екипа. Дербито на 8 септември ќе биде во „Автокоманда“, меѓу Металург и Пролет.

Во новата сезона ќе се практикува нов систем на натпреварување. Претставниците во СЕХА-лигата, во случајов Вардар и Е. Пелистер, првпат од нејзиното постоење ќе играат уште од почетокот. Лигата ќе ја сочинуваат 12 екипи, кои во првата фаза ќе се соочат во едноставен систем дома-гости, во 22 кола. Потоа, првите шест екипи продолжуваат во плејоф, они од 7. до 12. место ќе разигурваат во плејаут. Во таа втора фаза екипите ќе пренесат бодови според заслугите од првиот дел, првиот ќе ја почне со пет бода, вториот со четири и така се до шестиот кој ќе има нула.

 

СУПЕРЛИГА, 1 КОЛО:

Вардар – Скопје

Еурофарм Пелистер – Еурофарм Пелистер 2

Металург – Пролет

Бутел Скопје – Прилеп

Радовиш – Струга

Охрид – Тиквеш