Елези стрелаше во градското дерби за Сарајево (ВИДЕО)

07 декември 2025 - 15:10

Maкедонскиот фудбалер, Агон Елези денеска беше стрелец во градското дерби помеѓу Сарајево и Железничар во кое домаќините славеа победа со 4-0.

Елези еден период помина надвор од терените поради повреда, па поради тоа и денешниот гол кој го постигна со глава во 14. минута од средбата можеби доаѓа во вистинско време.

Во продолжение домашниот состав постигна и уште три гола за убедлив триумф. На теренот во редовите на Сарајево беше и Стефан Ристовски кој заработи жолт картон во финишот од првиот дел.