Вистинска убавица го засили македонското спортско новинарство! (ФОТО)
Таа од денеска па натаму ќе го разубавува етерот, а секако и македонскиот спорт. Серафимова е добро позната во јавноста по нејзината работа во други телевизии како ТВ24 и Сител, но овој пат во Телма е со нов предизвик, односно влегува во спортското новинарство.
Освен што редовно ќе се појавува на спортските вести, таа наскоро ќе почне и со нов проект наречен „Ферплеј со Јана“. Се работи за спортска емисија, што ќе се емитува секоја сабота од 19:15 часот, а нејзини гости ќе и бидат сите најпознати македонски и странски спортисти.
Серафимова потекнува од спортско семејство, а нејзинот брат Никола е фудбалски репрезентативец на Македонија и моментално настапува за унгарскиот тим Залаегерзег. Редовно ги посетува спортските натпревари и ретко пропушта натпревар на Македонија, без разлика за кој спорт се работи.
„Спортот секогаш бил моја пасија, па и кога се занимавав со еден друг вид на новинарство, постојано форсирав спортски теми. Овој пат целосно сум посветена и фокусирана на спортот. Новиот ангажман ми дава шанса да го зголемам своето искуство и се надевам дека заедно со јавноста ќе се радуваме на нови големи успеси“, изјави Серафимова.