Балотели бил пијан кога ја направил сообраќајката!?

24 ноември 2023 - 09:44

Контроверзниот италијански фудбалер Марио Балотели синоќа доживеа сообраќајна несреќа во близина на родниот град Бреша каде го скршил своето Ауди.

Според информациите од тамошните медиуми, тој одбил да направи алко-тест и покрај тоа што полицијата инсистирала. Поради тоа му е одземена возачката дозвола и ќе одговара за судирот што го предизвикал.

Во моментов Балотели е член на турскиот прволигаш Адана, но не игра поради повреда од која заздравува во татковината.