Цените на билетите за Супербол достигнаа рекордно ниво, а истите се продаваат како - алва!

Екипите на Сан Франциско и Канзас Сити ќе ги одмерат силите на Супербол во ноќта помеѓу 2. и 3. февруари во Мајами, а за повеќето „смртници“, шансата да го следат натпреварот во живо поминуваат преку склучување на договор за втора хипотека.

На овогодинешниот Супербол се пласираа два тима чии навивачи одамна не ги виделе како шампиони. Сан Франциско последен пат го крена трофејот Винс Ломбарди во 1995 година (на истиот стадион), додека Канзас Сити никогаш не го сторил тоа. При нивната титула во 1970 година, шампионскиот трофеј сè уште не е именуван.

Поради оваа причина, шпекулантите гледаат во навивачите на Канзас вистинска „крава за молзење“. Сепак, малкумина се подготвени да преземат ризик и да се обложат дека ќе преживеат нова пауза од половина век. Додека навивачите на Сан Франциско се меѓу најбогатите во Америка и, соодветно, подготвени да дадат повеќе пари за да го следат својот омилен тим.

Во моментов, билетите на секундарниот пазар се со цена над 8.000 американски долари. Најевтините достапни се за 3.995 долари, а достапно е и плаќање на 12 еднакви месечни рати. Што ги прави поскапи за 28.5 отсто.

Најскапите седишта се зад клупата на Сан Франциско. Повеќето билети за централните три сектори беа помеѓу 13.440 и 16.800 долари, но во четврток започнаа да се појавуваат понуди дури од 24.000 долари!