„Ил Матино“: Претставник на Наполи замина за Истанбул да го донесе Елмас во Неапол!
Според последните информации, претставник на спортскиот директор на наполитанците, Џуинтоли заминат е за Истанбул каде што треба да ги заврши сите формалности и да се официјализира трансферот. Италијанците од утрово најавуваат дека најмногу за 48 часа се очекува да се реализира трансферот и Елмас да дојде во Неапол на лекарски прегледи и да го потпише договорот.
Наполи и Фенербахче конечно се договориле за отштетата од 18 милиони евра, плус бонуси во зависност од настапите и успесите на клубот со Елмас во своите редови. Македонскиот репрезентативец, пак, ќе добие 1,5 милиони евра годишна плата и ќе потпише петгодишен договор.
Il Mattino:"Entro mercoledì Elmas sarà del Napoli" - https://t.co/2H0pUO48t3 pic.twitter.com/4EJoqfAlCu
— Per sempre Napoli (@PerSempreNa) July 15, 2019
Весникот потенцира дека до среда Елмас и официјално ќе стане фудбалер на Наполи, зашто дотогаш Хрватот Марко Рог ќе замине во Ајнтрахт Франкфурт и практично во ист ден ќе биде завршена трансфер-сагата.
Капитенот на македонската репрезентација Горан Пандев синоќа за италијанските медиуми изјави дека Наполи е идеален тим за Елмас и дека голем „бизнис“ ќе направи Наполи со ангажманот на младиот макеоднски репрезентативец, кој важи за еден од најголемите таленти во Европа.