Соиграч на Димитриевски полуде на полувреме од дуелот со Реал: Ова е ср*ње, судијата суди без врска (ВИДЕО)

Иако тој беше еден од погрубите на теренот и неколкупати влезе во конфликт со противничките фудбалери, Мафео смета дека судијата немал изедначен критериум.

„Навистина не ми се дава ова интервју, ова е ср*ње, изјавава е џабе... Судат прекршоци што не постоеја. Завршувам со оваа изјава, тоа е тоа, прашајте што сакате“, одговори Мафео кога новинарот го праша што ѝ недостасувало на Валенсија во првото полувреме.

Новинарот го повтори прашањето, а Мафео одговори:

„Судијата е без врска, а само треба да биде поправеден, тоа е сè. Немаше прекршок при првиот гол, а тоа влијае врз нас. Секако, треба да влегуваме во шеснаесетникот и да ја подобриме нашата игра, тоа е сè. Мислам дека тимот се натпреварува добро и толку“.

Мафео беше особено револтиран од прекршокот врз Мбапе, по кој Реал Мадрид го постигна првиот гол. Десниот бек го собори Французинот, судијата досуди прекршок и му покажа жолт картон. Навивачите на Местаља, како и самиот фудбалер на Валенсија, бурно протестираа, а од слободниот удар што го изведе Мбапе произлезе голот на мадридскиот тим. Валверде ја искористи одбиената топка од живиот ѕид и ја смести во мрежата.