Нова рапсодија на Дончиќ - му даде 53 поени на Портланд (ВИДЕО)

Дончиќ на паркетот помина 38 минути и за тоа време, покрај 53. поени, постигна и пет скока и пет асистенции. Од поле погоди 17 од 33 обиди, реализираше пет тројки од 15 обиди, а беше прецизен и 14 пати од линијата за слободни фрлања.

Ова беше негов 11-ти натпревар во кариерата со најмалку 50 постигнати поени, а четврти во дресот на Лејкерс. Воедно, со 53 поени го постави најдобриот индивидуален ефект во досегашниот дел од сезоната 2026/27.

Лејкерс не го започна добро натпреварот и во вториот период имаше негатива од 16 поени. Сепак, домаќините постепено се вратија, а Дончиќ одигра фантастична трета четвртина во која постигна 20 поени. Токму тогаш тимот од Лос Анџелес направи пресврт и стигна до двоцифрена предност. Портланд не се предаде и во последната четвртина повторно се доближи, но Дончиќ и Остин Ривс во завршницата ги решија дилемите. Словенецот постигна важни поени во последните моменти, вклучувајќи и клучен шут на 28 секунди до крајот.

Ривс го заврши натпреварот со 25 поени, додека Вокер Кеслер придонесе со 16 поени и 12 скока. Кај Портланд, Дени Авдија беше најефикасен со 22 поени, 11 асистенции и девет скока, а Демијан Лилард исто така постигна 22 поени. За Лејкерс ова беше четврта победа по ред, а тимот продолжува со одличните настапи во новата сезона.

РЕЗУЛТАТИ:
Бостон – Шарлот 119-80
Атланта – Вашингтон 139-132
Кливленд – Филаделфија 119-95
Далас – Јута 112-100
Милвоки – Торонто 107-121
Њу Орлеанс – Минесота 109-115
Мемфис – Оклахома 97-128
Сакраменто – Сан Антонио 109-124
Лејкерс – Портланд 124-118