Фриц прокоцка две меч-топки, Алкараз обезбеди полуфинале во Париз

06 ноември 2026 - 22:57

Шпанскиот тенисер Карлос Алкараз по голема борба се избори за полуфинале на мастерсот во Париз, откако го совлада Тејлор Фриц со 2-1 во сетови, односно 6-7, 7-5 и 6-3.

По жестока борба на теренот, Фриц го доби првиот сет против Алкараз во тај-брејк со 12-10.

Американецот продолжи со одличната игра и во следниот сет, при што имаше две меч-топки, но Алкараз успеа да се одбрани и да го сврти резултатот во своја корист (7-5).

Фриц по загубената шанса за триумф падна на психолошки план, а тоа можеше да се забележи по неговата игра, што му помогна на Шпанецот да слави со 6-3.

Алкараз во полуфинале ќе игра со победникот од мечот меѓу Руд и Боржес.

Фото: Facebook/Rolex Paris Masters