Хајдук стана првиот тим во КЛ кој изгубил без противникот да шутне кон голот

06 ноември 2026 - 13:07

Хајдук Сплит доживеа шокантен пораз на гостувањето кај Линколн Ред Импс од Гибралтар со 1-0, во рамките на третото коло од Конференциската лига.

Но, натпреварот ќе остане запаметен и по еден неверојатен статистички податок. Линколн стана првата екипа во историјата на ова натпреварување која успеала да победи на натпревар без ниту еден упатен удар во рамките на противничкиот гол.

Гибралтарскиот шампион до историските три бода стигна во 89. минута, кога Денис Хаџикадуниќ ја затресе сопствената мрежа и си постигна автогол. Токму поради тоа погодокот не беше евидентиран како удар на играч на Линколн, па домашниот тим го заврши мечот без ниту еден удар во рамките на голот на противникот.

Од друга страна, Хајдук имаше дури 15 удари кон противничкиот гол, но само еден од нив заврши во рамките на голот. На крајот, хрватскиот тим остана без бодови, а Линколн испиша историја со несекојдневен статистички рекорд.