Српски тенисер наместил пет меча на кои играл - доби брутална казна!

15 октомври 2026 - 16:21

Српскиот тенисер Стефан Миличевиќ доби суспензија од 24 години поради кршење на правилата во тенисот, односно Меѓународната агенција за интегритет на тенисот го обвини за местење на натпревари и обиди за манипулација со резултатите.

Оваа брутална казна му ја заврши кариерата на 29-годишниот тенисер, кој ќе мора да плати и 70.000 долари.

Според информациите, српскиот тенисер во период од 2022 до 2024 година учествувал во местење на најмалку шест натпревари, од кои на пет од нив играл. Исто така, обвинет е дека се обидел да намести уште шест меча.

Истрагата покажа дека Миличевиќ во истиот период се обидувал да вклучи и други професионални тенисери во криминалната мрежа.