Нападите кон управата нема да останат незабележани - Лисандро ќе биде избркан од Јунајтед

Аргентинскиот дефанзивец не го криеше незадоволството по поразот од Атлетико Мадрид (0-2) во Лигата на шампионите. Наместо критиките да ги насочи исклучиво кон играчите и тренерот Мајкл Карик, Мартинез јавно побара поголеми инвестиции и посилен тим, упатувајќи директна порака до раководството на клубот.

„Очекувам повеќе инвестиции, сто проценти. Очекувам повеќе и од нашиот технички директор Џејсон Вилкокс. Како играчи мораме да дадеме повеќе, но исто така е важно да имаме силен состав“, порача Аргентинецот.

Мартинез потенцираше дека не може постојано да се менуваат тренерите, а притоа да се игнорираат другите проблеми во клубот. Со ова, тој јасно стави до знаење дека одговорноста за резултатите не треба да се бара само кај фудбалерите и стручниот штаб.

Неговите изјави доаѓаат во тежок период за Манчестер Јунајтед, кој повторно се соочува со резултатска криза. Поразот од Атлетико беше петти последователен натпревар без победа, што дополнително го зголеми притисокот врз клубот. Според информациите што ги пренесуваат англиските медиуми, иднината на Мартинез во Манчестер е неизвесна. Неговиот договор истекува во летото 2027 година, а клубот има можност да го продолжи за уште една сезона.

Како можна следна дестинација се споменува Атлетико Мадрид, кој и претходно бил поврзуван со аргентинскиот репрезентативец. Евентуалниот трансфер би можел да стане актуелен во некој од следните преодни рокови, доколку се создадат услови за разделба.