Ѓоковиќ по повеќе од осум години испадна од Топ 10

14 септември 2026 - 10:17

Новак Ѓоковиќ повеќе не е меѓу десетте најдобри тенисери на светот. По завршувањето на УС Опен, српскиот ас падна на 12. место на АТП-листата што е назадување за седум позиции во однос на претходното рангирање.

Турнирот во Њујорк тој го заврши уште во првото коло, откако загуби од Аргентинецот Маријано Навоне. Минатата година стигна до полуфиналето на УС Опен, па сега остана без 790 бодови кои ги бранеше од ланскиот настап.

Падот од Топ 10 е особено значаен бидејќи Ѓоковиќ последен пат беше надвор од елитното друштво во јули 2018 година. Тогаш, поради проблемите со лактот и долгата пауза, падна дури до 21. место. Набргу потоа ја освои титулата на Вимблдон и започна неговото враќање кон врвот. Ѓоковиќ е последниот член на големата тројка кој до сега се задржуваше меѓу најдобрите десет, откако Роџер Федерер и Рафаел Надал веќе ја завршија професионалната кариера. 

На врвот на АТП-листата останува Јаник Синер, додека новиот шампион на УС Опен, Александар Зверев му се доближи на помалку од 2.000 бода.