Лина Ѓорческа забележа голем пад на најновата ВТА листа

14 септември 2026 - 09:18

Македонската тенисерка Лина Ѓорческа оваа недела се наоѓа на 327. место во светот, што е пад од дури 70 позиции во однос на претходното рангирање. На претходната листа македонската тенисерка беше 257. во светот.

Ѓорческа моментално има 209 ВТА поени, а на листата зад нејзиното име стои 21 одигран турнир. 

Падот на ранг-листата доаѓа во период во кој македонската тенисерка се обидува повторно да се искачи кон позициите на кои беше во изминатиот период. Оваа сезона Ѓорческа настапуваше и на Вимблдон, каде што дебитираше во главната ждрепка на еден Гренд слем турнир. Падот на најновата ранг листа се должи на раната елиминација во квалификациите за УС Опен, како и на турнирот во Анталија.

Шанса за поправка на впечатокот, но и на пласманот, таа ќе има неделава на силниот турнир во Љубљана каде во првото коло за противничка ја има Булгару од Романија.