Дебакл на поранешниот шампион: Лестер тоне и во трета лига!

По пет кола Лестер има само една победа. Првенството го отвори со реми 1-1 на гостувањето кај Нотс Каунти, потоа дома загуби со 2-1 од Бартон Албион, а против МК Донс одигра 0-0. Првата победа ја оствари дури во вторникот, кога го совлада Плимут со 2-0, но само четири дена подоцна, денеска следеше дебакл против Оксфорд од 4-0. Во меѓувреме, Ипсвич го елиминираше и од Лига купот со победа од 3-1.

Тимот од ова лето го предводи Расел Мартин, поранешниот тренер на МК Донс, Свонси Сити, Саутемптон и Ренџерс. Лестер во јуни му даде тригодишен договор, а неговата задача е да го врати клубот барем во Чемпионшип, но според резултатите повеќе изгледа дека го чека тешка борба за задржување и на третолигашкиот статус.