Извинување со солзи: Алварез се покаја - донесе победата, па ги молеше навивачите за прошка!

Тој по натпреварот мечот на „Метрополитано“ ја коментираше својата претходна намера да се приклучи на Барселона во текот на летото, надевајќи се дека конечно ќе ги поправи нарушените односи со симпатизерите на клубот. Односот меѓу Аргентинецот и публиката значително се влоши за време на СП во 2026 година, кога тој изјави дека сака да го напушти тимот за да го оствари својот „голем сон“. Поради тие коментари, талентираниот голгетер редовно беше исвиркуван на домашните натпревари на почетокот од оваа сезона, но откако со својот последен гол конечно изнуди бурни овации од дел од присутните гледачи, тој реши јавно да побара прошка.

„Би сакал да им се извинам на нашите навивачи за тоа што го кажав за време на Мундијалот. Беше грешка како во однос на начинот на кој го кажав, така и во однос на моментот. Разбирам зошто навивачите се лути. Да бев на нивно место и јас ќе бев лут. Особено земајќи предвид како ме поддржуваа откако пристигнав“, изјави Алварез.

Зад целата ситуација стои големата трансфер-сага која се одвиваше изминатиот период. И покрај повеќекратните повици на Алварез и јавните обиди на Барселона да го ангажира, раководството на Атлетико Мадрид остана категорично во својата позиција. Клубот од шпанската престолнина јасно стави до знаење дека нема никаква намера да го продава својот напаѓач на директен ривал во Ла Лига, притоа упатувајќи јавни обвинувања кон каталонскиот клуб.

На крајот, Алварез остана во редовите на „јорганџиите“ и и покрај очигледните потешкотии на почетокот на сезоната, изгледа дека веќе го пронаоѓа вистинскиот натпреварувачки ритам.