Малдини и Пирло во „аут“, Кјелини и Конте стапуваат на сцена

Според информациите од Италија, Кјелини е главен кандидат да го наследи Паоло Малдини на функцијата технички директор. Поранешниот капитен на Јувентус, покрај богатата играчка кариера, веќе стекна и административно искуство во клубот од Торино, што го прави идеален кандидат за оваа улога.

Доколку Кјелини ја преземе функцијата, значително би се зголемиле шансите Антонио Конте да се врати на клупата на „аѕурите“. Наводно, Конте не би прифатил понуда доколку таа дојде од Малдини, но би бил подготвен да разговара со Кјелини како технички директор. Истото важи и за Роберто Манчини, кој исто така би можел повторно да стане селектор ако дојде до промени во раководството.

Италијанската федерација се соочува со сериозен предизвик во потрагата по нов селектор, бидејќи најголемите кандидати во минатото веќе ја напуштаа репрезентацијата поради атрактивни понуди од клубови или странски федерации. Конте во 2016 година замина во Челси, Манчини ја напушти Италија за да ја преземе Саудиска Арабија, а Андреа Пирло неодамна се реши за нов ангажман мотивиран од финансиски услови.

Сето ова се случува откако пропадна можноста Малдини да го истурка Пирло за нов селектор на Италија. Во наредниот период се очекува конечна одлука, а Кјелини и Конте сè почесто се споменуваат како тандем кој би можел да ја започне новата ера на италијанскиот национален тим.