За првпат во историјата ќе гледаме чешко финале на Вимблдон!

09 јули 2026 - 20:15

Линда Носкова се пласираше во финалето на Вимблдон, откако во полуфиналето ја совлада Украинката Марта Костјук со 2-0 во сетови.

Откако Каролина Мухова обезбеди место во финалето со победа над Коко Гоф од 2-1 во сетови, стана јасно дека за трофејот ќе се бори против својата сонародничка Носкова.

Носкова до победата над Костјук стигна за само еден час и 19 минути, славејќи со 6-4, 6-4. Така, финалето на Вимблдон во 2026 година ќе влезе во историјата како прво во кое ќе се сретнат две чешки тенисерки.

Чешка досега никогаш немала две свои претставнички во финалето на најпрестижниот тениски турнир, иако низ историјата може да се пофали со шампионки како Мартина Навратилова, Јана Новотна, Петра Квитова, Каролина Плишкова, Маркета Вондроушова и Барбора Крејчикова.