Нант се врати од минус шест и со пресврт го реши ГОГ во Данска

Ракометарите на Нант триумфираа на гостувањето кај ГОГ во Данска со 34-33 во првиот осминафинален натпревар од Лигата на шампиони (ЛШ).

Нант го презема водството од стартот, но ГОГ го следеше нивниот чекор сè до завршницата од првото полувреме кога влезе во серија и поведе со 19-16.

ГОГ имаше и шест голови предност (22-16), но Нант го засили темпото и во финишот успеа да направи целосен пресврт (34-33).

Фредерик Бјер постигна 11 голови за ГОГ, додека Џулиен Бос и Николас Турна запишаа по седум погодоци.

Фото: Facebook/HBC Nantes