ГРК Охрид и официјално се засили со фантастичен Унгарец кој играл за ПСЖ и Кјелце!

Станува збор за унгарски репрезентативец, кој денеска го слави својот 27. роденден. Тој е висок 202 сантиметри и настапува на позицијата десен бек, а во новата сезона ќе го носи дресот со број 23. Мате во Охрид доаѓа од Елверум Хандбол, актуелен лидер во норвешкото првенство и тим со забележителни настапи во европските натпреварувања. Во својата кариера настапувал и за европските гиганти ПСЖ и Киелце, како и за унгарскиот Балатон.

Од клубот посочуваат дека Мате е еден од носителите на играта и во унгарската репрезентација, со настапи на голем број светски и европски првенства.

„Од првиот разговор бев импресиониран од проектот и плановите за идниот период. Едвај чекам да ги запознаам фановите, се надевам дека ќе играм клучна улога во остварувањето на нашите цели, освојување на титула во лигата и што поголеми успеси во интернационалните натпреварувања“, изјави Мате.

Охриѓани вчера го промовираа првото засилување за наредната сезона и тоа хрватскиот голман Дино Славиќ.

ФОТО: EPA PHOTO