Роналдо ѝ даде поддршка на Вон, таа веднаш му врати! (ФОТО)

41-годишната Вон излезе од болница каде престојуваше повеќе денови по повредата за време на Зимските олимписки игри. Таа во емотивна порака се огласи на социјалните мрежи и информираше низ што поминала.

„Имав сложена фрактура на тибијата, исто така ја скршив и главата на фибулата и сè беше на парчиња. Повредата беше толку сложена бидејќи развив компартмент синдром. Ова е кога голема траума предизвикува крвта да се собра во едно место и да се зароби. Буквално сè во тој компартмент - мускули, нерви, тетиви, сè умира. Д-р Том Хакет ми ја спаси ногата, ме спаси од ампутација“, напиша таа.

„Тој направи таканаречена фасциотомија, каде што ги пресече двете страни на мојата нога за да го намали притисокот и да ме спаси. Секогаш велам дека сè се случува со причина. Да не го скинев предниот вкрстен лигамент, што и онака ќе се случеше оваа есен, Том немаше да биде таму за да ми ја спаси ногата. Се чувствувам среќна и благодарна на него за шестчасовната операција за реконструкција на ногата, која помина неверојатно добро“, додаде Вон.

„Бев во болница малку подолго отколку што се надевав бидејќи имав многу низок хемоглобин поради загубата на крв од сите операции. Навистина се мачев, болката беше речиси надвор од контрола и морав да примам трансфузија на крв. Тоа ми помогна многу, ја пребродив кризата и сега сум надвор. Моментално сум во инвалидска количка, многу сум неподвижна и ќе бидам во неа некое време бидејќи го скршив и десниот глужд.

„Се надевам дека наскоро ќе можам да користам патерици, но ќе видиме. Веројатно ќе бидам на патерици најмалку два месеци. Но, веднаш почнувам со рехабилитација, па ќе видам што можам да направам и ќе одам чекор по чекор, како и секогаш“.

На оваа порака на Линдзи Вон испратија поддршка повеќе големи спортисти, меѓу нив и Кристијано Роналдо кој напиша:

„Шампионите ги дефинираат моментите кога победуваат, и моментите кога одбиваат да се предадат. Лидзи Вон планините кои ти ги освои никогаш не биле поголеми од силата која ја носиш. Продолжи да се бориш. Легендите секогаш се издигаат“, напиша Роналдо.

Линдзи Вон му врати дека оваа порака многу ѝ значи.