Јамал одново испиша историја: Бисерот на Барселона го симна Мбапе од тронот!

08 февруари 2026 - 09:38

Ѕвездата на Барселона, Ламин Јамал (18), продолжува да ги поместува границите и синоќа постави нов историски рекорд во европскиот фудбал, откако стана најефикасниот фудбалер во историјата на „Топ 5“ лигите во Европа во 21. век меѓу играчите кои немаат наполнето 19 години.

Каталонскиот вундеркинд го постигна вториот гол во победата над Мајорка и со тоа стигна до 24 погодоци во 92 настапи во Ла Лига, учинок каков што никој претходно нема остварено на оваа возраст.

 

 

Со овој гол, Јамал го престигна Килијан Мбапе, кој досега го држеше рекордот со 23 погодоци постигнати пред 19-годишна возраст во дресот на Пари Сен Жермен.

ФОТО: FB / BARCELONA