Скандал во Шангај: Тенисер со рекет ја гаѓаше публиката – ама не го избркаа (ВИДЕО)

Инцидентот се случи по изгубен сервис во првиот сет против Португалецот Нуно Боргеш. Фрустрираниот Ван де Зандшулп најпрво ја испрати топката надвор од стадионот, а потоа со бес го фрли рекетот кон трибините. Иако вакво однесување според правилата носи директна дисквалификација, судијата одлучи да му додели само опомена. Одлуката предизвика неверување кај присутната публика, но и реакции во светските медиуми.

По инцидентот, холандскиот тенисер целосно ја изгуби концентрацијата и мечот го заврши со пораз во два сета.