Ѓоковиќ: Нема шанси да рекламирам кладилници – „нудам“ бизниси во кои верувам!

Како што објасни Србинот, причина за тоа што нивните производи и принципи не се совпаѓале со неговите лични убедувања.

„Одбив многу компании затоа што не беа во склад со моите вредности. Тешко ми е да препорачувам нешто на милиони луѓе, а јас самиот да не верувам во тоа. Ако не би го испил или изел, тогаш нема да го претставувам. За агентите тоа не е најдобро решение, но јас сум мирен во срцето затоа што знам дека правам нешто исправно. Особени не ни помислувам да рекламирам кладилници, без разлика од каде се тие и колку пари нудат“, изјави Ѓоковиќ во подкастот на Џеј Шети.

Покрај темата за спонзорствата, тој проговори и за специфичниот однос меѓу тенисерите. Според него, за разлика од фудбалот и кошарката, каде противниците се среќаваат на теренот, во тенисот играчите и нивните тимови се гледаат уште во соблекувалните и на загревањето, што ја прави конкуренцијата уште понаелектризирана.

„Седиме еден до друг пред финале, гледаме едни во други – борбата почнува уште таму. Затоа е тешко да очекуваш дека некој ќе ти пријде за совет, иако има млади играчи кои се отворени и љубопитни“, дополни Ѓоковиќ.

Тој додаде дека комуникацијата е клучна и често се случува советите да се пренесуваат преку членовите на тимовите.

„Некој е срамежлив, па прашува преку друг. Јас тогаш приоѓам и велам: ‘Во ред е, можеме да зборуваме’. Добрата комуникација носи поголемо меѓусебно почитување“, заврши популарниот Ноле.