Миовски се пресели во Ренџерс и потпиша четиригодишен договор!

30 август 2025 - 13:10

Еден од најтрофејните шкотски клубови Ренџерс соопшти дека бил потпишан четиригодишен договор со македонскиот репрезентативец Бојан Миовски.

Миовски минатата сезона играше за Жирона, меѓутоа не се прослави, па сега се враќа во Шкотска каде што претходно со многу успех играше за Абердин.

Македонскиот напаѓач од 2022 до 2024 година играше за Абердин и постигна 44 голови, а од оваа сезона ќе ги тресе мрежите за шкотскиот гигант.

Ренџерс не објави финансиски детали од трансферот, меѓутоа според дел од медиумите, ќе ѝ исплати 2,8 милиони евра веднаш и дополнителни пет милиони преку бонуси.