Беќири: Горд сум на овие момци, треба да бидеме среќни што ќе играме во КЛ

29 август 2025 - 12:30

Шкендија оваа сезона ќе настапи во групната фаза на Конференциската лига, откако вчера беше поразена од Лудогорец во плејофот за место во Лига Европа, но и покрај тоа тренерот Јетон Беќири вели дека е среќен.

Беќири кажа дека е горд на неговите избраници што обезбедиле место меѓу најдобрите тимови во Конференциската лига на УЕФА.

„Честитки за Лудогорец за пласманот во Лига Европа. Тажен сум за елиминацијата, но во исто време сум горд на овие момци и начинот на кој игравме. Пласманот во Конференциската лига е одличен успех. Ќе се обидеме да се прикажеме во најдобро светло и понатаму во Европа. Благодарност и до навивачите за големата поддршка“, кажа Беќири.

Македонскиот шампион денеска на ждребката ќе ги дознае ривалите во главната фаза на КЛ.