Србија ја демолира и Словенија пред почетокот на Евробаскетот

21 август 2025 - 22:01

Кошаркарската репрезентација на Србија триумфираше со 106-72 против Словенија во пријателски меч пред Европското првенство (ЕП).

Србија одигра совршен натпревар против Словенците и го уништи противникот уште на полувреме кога водството изнесуваше 28 поени.

Словенија не успеа да ја врати неизвесноста во продолжение од средбата, па така Србија го оствари и седмиот триумф во подготвителниот период.

Никола Јовиќ беше најефикасен со 18 поени и седум скокови во победничкиот тим, додека Лука Дончиќ постигна 17 поени, седум скокови и четири асистенции за Словенија.

Фото: EPA PHOTO