Италијанците сакаат да си го олеснат патот до СП, бараат исфрлање на Израел

20 август 2025 - 21:54

Италијанското здружение на фудбалски тренери побара исфрлање на Израел од сите меѓународни натпревари вклучувајќи го и Светското првенство во 2026 за кое во септември ќе следат нови квалификациски натпревари.

Како што велат од Италија, ваквиот потег не е само симболична акција, туку потег кој треба да се направи.

„Вредоста на човештвото и спортските вредности не присилуваат да се спротиставиме со дела. Можеме само да молчиме, да играме и да се правиме дека ништо не се случува. Но веруваме дека тоа не е исправно. Има премногу невини жртви, меѓу нив и многу спортисти“, стои во соопштението.

Инаку, Италија и Израел се во иста група во квалификациите за Светското првенство, првиот натпревар помеѓу овие две селекции е на 8 сетември во Дебрецен, а вториот на 14 октомври во Удине.

Фото: EPA