Кипарскиот Пафос на чекор од ЛШ - го елиминира Динамо Киев без примен гол (ВИДЕО)

12 август 2025 - 21:24

Првакот на Кипар, Пафос е најголемата сензација во третото коло од квалификациите за Лигата на шампионите.

Иако беше голем аутсајдер во двомечот со Динамо Киев, клубот од истоимениот град ги елиминира Украинците без примен гол, со вкупен резултат 3-0. Минатата недела како гостин оствари минимален триумф, а денеска пред своите навивачи ја потврди големата победа, славејќи со 2-0.

Херој на Пафос беше хрватскиот репрезентативец Мислав Оршиќ кој во втората минута го отвори резултатот, а во 55. му асистираше на Кореја за конечните 2-0. Во плејофот за пласман во Лигата на шампионите, Кипарците ќе играат со подобриот од двомечот меѓу Црвена Звезда и Лех, додека Динамо Киев за противник ќе го добие победникот од пресметката меѓу Хамрун од Малта и Макаби Тел Авив од Израел.