На Арсенал му се прескапи и Шешко и Ѓокереш!

17 јуни 2025 - 21:54

Арсенал не сака да ја плати бараната сума од Лајпциг за Бенјамин Шешко, а слична е ситуацијата и со Виктор Ѓокереш.

На Арсенал очајно му треба напаѓач, но раководството на клубот одлучува да се „ценка“ за што поевтина сума иако интерес за оние кои ги сака има и од други клубови.

Информациите велат дека Арсенал нема да плати сума меѓу 80 и 100 милиони евра колку што бара Лајпциг за Шешко.

Топчиите уште во целост ги немаат договорено и личните услови со фудбалерот, но разговори се одвиваат.

Тие ја следат ситуацијата и со Виктор Ѓокереш, но се верува дека не сакаат да платат ни 60-70 милиони евра колку што бара Спортинг, тоа им е исто така превисока сума.

Фото: X/RB Leipzig