Феликс погоди од слободен удар, Милан со победа ја заврши сезоната (ВИДЕО)

24 мај 2025 - 22:44

Фудбалерите на Милан славеа победа од 2-0 против Монца во последното коло од Серија А и така ставија крај на разочарувачката сезона во која не ги исполнија очекувањата на навивачите.

Натпреварот беше без резултатско значење и за двете екипи, Милан ги загуби шансите за излез во Европа, додека Монца од поодамна е веќе со мислите во Серија Б.

Победата „росонерите“ вечерва ја обезбедија со головите на Габија и Жоао Феликс во второто полувреме. Португалецот постигна убав гол од слободен удар во можеби својот последен натпревар за „росонерите“ бидејќи е најавува негово заминување на лето.

Милан сезоната ја завршува со 18 победи, девет нерешени натпревари и 11 порази и освени 63 бода. Со овие три бода стигнаа до седмата позиција, но може да завршат и како осми во зависност од утрешниот натпревар на Фиорентина со Удинезе.

Фото: AC Milan/X